काठमाडौं– रोल्पामा शुक्रबार राति पहिरोले पुरिएर दाजुभाइको मृत्यु भएको छ।
लुंग्री गाउँपालिका-१ ऐपे गाउँका ज्ञानसिंह घर्तिमगरको घर पहिरोले पुरिंदा उनका ८ र ११ वर्षीय दुई छोराको मृत्यु भएको हो।
वडाध्यक्ष मति पुनका अनुसार पहिरोमा पुरिएर ज्ञानसिंहकी पत्नी ३५ वर्षीया नन्दकली र आमा ५० वर्षीया बीरमा घाइते भएका छन्।
जिल्ला प्रहरी प्रमुख डीएसपी नरेश सुवेदीले घाईतेलाई उपचारका लागि सुलिचौर अस्पताल पठाइएको जानकारी दिए।
ज्ञानसिंहका जेठा छोरा घरबाहिर रहेकाले सकुशल छन्। ८ वर्ष पहिले रोजगारीका लागि भारत गएका ज्ञानसिंह परिवारको सम्पर्कमा नरहेको वडाध्यक्ष पुनले जानकारी दिए।
प्रकाशित: Sep 12, 2020| 12:19 शनिबार, भदौ २७, २०७७
