विराटनगर– वीपी कोइराला स्वास्थ्य विज्ञान प्रतिष्ठान धरानमा एक जना कोरोना संक्रमितको मृत्यु भएको छ ।
क्षेत्रीय कारागार झुम्कामा कैद भोगिरहेका सुनसरीको रामधुनी ५ झुम्काका ४३ वर्षका पुरुषको मृत्यु भएको हो। उनको उपचारको क्रममा शुक्रबार साँझ मृत्य भएको प्रतिष्ठानका प्रवक्ता डा. निदेश सापकोटाले जानकारी दिए ।
गएको १० दिनयता ज्वरो आएका उनलाई इनरुवा अस्पतालबाट शुक्रबार विहान प्रतिष्ठानको आकस्मिक कक्षमा भर्ना गरिएको थियो । शुक्रबार नै गरिएको परिक्षणमा उनलाई कोरोना पोजेटिभ देखिएको प्रतिष्ठानले जनाएको छ ।
यसअघि शुक्रबार कोशी अस्पताल कोभिड १९ उपचार केन्द्र विराटनगरमा मोरङको ग्रामथान २ की महिलाको मृत्यु भएको थियो ।
प्रदेश १ मा कोरोना संक्रमणबाट मृत्यु हुनेको संख्या ४६ पुगेको छ । मृत्यु हुनेमा १३ महिला र ३३ पुरुष छन् ।
प्रकाशित: Sep 12, 2020| 06:46 शनिबार, भदौ २७, २०७७
