विराटनगर- कोशी अस्पताल कोभिड-१९ उपचार केन्द्र विराटनगरमा मोरङको ग्रामथान २ की महिलाको मृत्यु भएको छ।
कोशी अस्पताल विराटनगरबाट रेफर भएकी ७० वर्षीया महिलाको शुक्रबार दिउँसो साढे ४ बजे मृत्यु भएको कोशी अस्पताल कोभिड-१९ उपचार केन्द्रका प्रमुख डा. दीपक सिग्देलले बताए।
वृद्धालाई बिहीबार संक्रमण पुष्टि भएर स्वास्थ्यमा समस्या थपिएपछि राति नै कोभिड अस्पतालमा उपचारका लागि भर्ना गरिएको थियो।
आईसीयूमा राखेर उनको उपचार भइरहेको थियो। वृद्धामा ज्वरो आउने र श्वास फेर्न गाह्रो हुने लगायतका धेरै समस्या देखिएको जानकारी उनले दिए। मृतकको शव व्यवस्थापनको प्रक्रिया अघि बढाइएको सिग्देलले बताए।
वृद्धाको मृत्युसँगै विराटनगरमा कोरोना संक्रमणका कारण ज्यान गुमाउनेको संख्या १७ पुगेको छ।
प्रकाशित: Sep 11, 2020| 19:00 शुक्रबार, भदौ २६, २०७७
