काठमाडौं– नेपाली कांग्रेसका वरिष्ठ नेता रामचन्द्र पौडेलले अख्तियार दुरुपयोग अनुसन्धान आयोगमा भइरहेका लापरबाहीउपर छानविन गर्न उच्चस्तरीय न्यायिक छानबिन आयोग गठनको माग गरेका छन्।
पौडेलले शुक्रबार प्रेस विज्ञप्ति जारी गर्दै आयोगका वर्तमान र पूर्वपदाधिकारी सदस्यहरुलाई जिम्मेवार बनाउन पूर्वप्रधानन्यायाधीशको अध्यक्षतामा सबैको भरोसायोग्य आयोग गठन हुनुपर्ने बताएका हुन्।
‘अर्बौंका भ्रष्टाचार काण्डहरु यसअघि पनि चर्चामा छन्। तिनको तदारुकताका साथ छानबिन गरेर दोषीउपर कारबाही चलाउने र राष्ट्रमा भइरहेको ब्रह्मलुट रोक्ने काममा अख्तियारको ढिलासुस्ती र लापरबाही चर्चामा छन्,’ पौडेलले भनेका छन्।
प्रकाशित: Sep 11, 2020| 18:35 शुक्रबार, भदौ २६, २०७७
