काठमाडौं– सत्तारुढ दल नेपाल कम्युनिष्ट पार्टी (नेकपा) का अध्यक्ष पुष्पकमल दाहालले बहस र छलफलको प्रक्रियालाई अघि बढाएर महाधिवेशन सफल बनाउन आह्वान गरेका छन्।
१० असारदेखि सुरू भएको पार्टीको स्थायी कमिटी बैठकको आज समापन गर्दै दाहालले पार्टीलाई अझ सुदृढ बनाएर अघि बढ्न आग्रह गरेका हुन्।
‘पार्टीलाई दुर्घटनाबाट बचाउँदै पार्टी एकताको रक्षा गरेर अझ बढी मजबुत र रुपान्तरण गर्ने गरी बैठकले ढोका खोलेको छ,’ दाहालको भनाइ उधृत गर्दै प्रवक्ता नारायणकाजी श्रेष्ठले भने,‘विचारको बहस गर्दै पार्टीलाई एकताबद्व पार्न यो बैठक सफल भएको छ।’
विभिन्न उतारचढाव र छलफलबाट शिक्षा लिँदै आगामी दिनमा पार्टी एकताको उद्येश्यलाई पूरा गर्ने गरी छलफल बहस अघि बढ्ने दाहालको भनाइ थियो।
प्रकाशित: Sep 11, 2020| 17:57 शुक्रबार, भदौ २६, २०७७
