काठमाडौं– सत्तारुढ दल नेकपाका अध्यक्ष एवम् प्रधानमन्त्री केपी शर्मा ओलीले नेकपालाई कमजोर बनाएर तोडफोड गर्ने देशीविदेशी शक्तिको प्रयास असफल भएको बताएका छन्।
स्थायी कमिटी बैठकको शुरुमै आफ्नो धारणा राख्दै ओलीले बैठकले पार्टीभित्रको समस्या र अन्तरविरोधलाई समाधान दिएको बताए।
बैठकले नयाँ उचाइको एकता प्रदान गरेको ओलीले बताएको बैठकपछि प्रवक्ता नारायणकाजी श्रेष्ठले जानकारी दिए।
‘देशीविदेशी तथा प्रतिक्रियावादी शक्तिले कमजोर बनाउन र तोडफोड गर्ने चाहना राखेका थिए। यो बैठकले उनीहरुको चाहना असफल गरेको छ,’ ओलीको भनाइ उद्धृत गर्दै श्रेष्ठले भने।
असार १० गतेदेखि सुरु भएको नेकपाको स्थायी कमिटी बैठक बीचमा लामो समय अनिश्चित बनेर आज सकिएको हो।
प्रकाशित: Sep 11, 2020| 17:47 शुक्रबार, भदौ २६, २०७७
