काठमाडौं– बागलुङमा पहिरोमा पुरिएर शुक्रबार बिहान एक युवक बेपत्ता भएका छन्।
जिल्लाको बडीगाड गाउँपालिकामा–१० निगलपानीका ३५ वर्षीय दानबहादुर घर्ती पहिरोमा बेपत्ता भएका हुन्।
घर्ती शुक्रबार बिहान घर नजिकैको बारीमा काम गर्दै गर्दा माथिबाट एक्कासि खसेको पहिरोले पुरिएको जिल्ला प्रहरी कार्यालयका प्रहरी निरीक्षक दिपक रिजालले जानकारी दिए।
बेपत्ता घर्तीको स्थानीय र प्रहरी मिलेर खोजी कार्य जारी रहेको रिमालले बताए। खोजी कार्यका लागि भिमगिठे प्रहरी चौकीबाट थप प्रहरी पठाइएको उनले बताए।
प्रकाशित: Sep 11, 2020| 13:17 शुक्रबार, भदौ २६, २०७७
