काठमाडौं– सत्तारुढ नेकपाको स्थायी कमिटी बैठकमा आफ्ना कुरा राखेर प्रधानमन्त्री एवम् नेकपा अध्यक्ष केपी शर्मा ओली बाहिरिएका छन्।
प्रधानमन्त्री निवास बालुवाटारमा शुक्रबार सुरु भएको बैठकमा ओलीले दुई अध्यक्षले तयार पारेको प्रस्तावका बारेमा आफ्ना धारणा राखेका थिए।
यस्तै उनले कोराना संक्रमण जोखिम नियन्त्रणका लागि सरकारले गरिरहेका कामबारे पनि बैठकमा जानकारी गराएको एक स्थायी कमिटी सदस्यले बताए।
ओली २० मिनेट आफ्ना धारणा राखेपछि बैठक सञ्चालनको जिम्मा दाहाललाई दिएर बाहिरिएका हुन्।
प्रधानमन्त्री ओली कार्यव्यस्तताका कारण भन्दै बाहिरिएको ती नेताले जानकारी दिए।
प्रकाशित: Sep 11, 2020| 12:41 शुक्रबार, भदौ २६, २०७७
