मोरङ– विराटनगरमा उपचार नपाएर एक गर्भवती महिलाको मृत्यु भएको छ।
प्रसूतिका लागि कोशी अस्पताल विराटनगर पुगेकी विराटनगर ६ सुकुम्बासी टोलकी महिलालाई अस्पतालले भर्ना नलिंदा उनको घरमै मृत्यु भएको हो ।
ज्यालादारी गरेर गुजारा चलाउँदै आएका शिवु ऋषिदेवले श्रीमती विमलालाई प्रसूतिका लागि बुधबार बेलुका कोसी अस्पताल लगेका थिए।
अस्पतालले उपचार गर्न नसक्ने र घरमै फिर्ता लैजान भनेपछि ऋषिदेवले श्रीमतीलाई बुधबार राति घर फर्काएका थिए। घर फर्किएको भोलिपल्ट बिहीबार बिमलाको सुत्केरी हुन नसकेर घरमै मृत्यु भएको स्थानीयले बताएका छन्।
दुईपटक शल्यक्रियाबाट प्रसूति गराइसकेको हुँदा अब गर्न नसकिने भन्दै कोसी अस्पतालले भर्ना नलिएपछि उनको मृत्यु भएको आफन्तले बताएका छन्।
प्रकाशित: Sep 11, 2020| 12:29 शुक्रबार, भदौ २६, २०७७
