काठमाडौं- कोरोना संक्रमणबाट यहाँ थप एक जनाको मृत्यु भएको छ। मृत्यु हुनेमा कपिलवस्तु नगरपालिका- ६ का २९ वर्षीय पुरुष हुन्।
मिर्गौला र उच्च रक्तचापबाट बिरामी परेपछि उपचारका लागि काठमाडौं शिक्षण अस्पताल लगिएकामा यही भदौ २२ गते उनमा कोरोना पुष्टि भएको जिल्ला स्वास्थ्य कार्यालयले जनाएको छ।
उनको उपचारका क्रममा बुधबार राति मृत्यु भएको स्वास्थ्य कार्यालयका कोरोना फोकल पर्सन कुमार थापाले बताए। यससँगै जिल्लामा कोरोनाबाट मृत्यु हुनेको संख्या ६ पुगेको छ।
जिल्लामा आज थप ४६ जनामा कोरोना पोजेटिभ पुष्टि भएको छ। यससँगै जिल्लामा कोरोना संक्रमितको संख्या एक हजार २२४ पुगेको छ। रासस
प्रकाशित: Sep 10, 2020| 20:35 बिहीबार, भदौ २५, २०७७
