धनगढी- करेन्ट लागेर धनगढी उप-महानगरपालिकाका एक कर्मचारीको मृत्यु भएको छ।
धनगढी उप-महानगरपालिका-६, शिवनगरमा विद्युत सर्भिस पोलमा राखिएको बत्तीको बल्ब मर्मत गरेर भर्याङ निकाल्ने क्रममा करेन्ट लागेर सोही ठाउँका ३२ वर्षीय राजकुमार चौधरीको मृत्यु भएको प्रहरीले जनाएको छ।
जिल्ला प्रहरी कार्यालय कैलालीका प्रवक्ता प्रहरी नायव उपरीक्षक प्रतिक विष्टले करेन्ट लागेर घाइते भएका चौधरीको उपचारका क्रममा निसर्ग अस्पतालमा मृत्यु भएको बताए।
प्रहरी नायव उपरीक्षक प्रतिक बिष्टका अनुसार करेन्ट लागेर सोही ठाउँका २२ वर्षीय खेमराज दाहाल पनि घाइते भएका छन्। उनको निसर्ग अस्पतालमा उपचार भइरहेको छ।
मृतक चौधरी धनगढी उपमहानगरपालिकाका करार सेवाका कर्मचारी हुन्।
प्रकाशित: Sep 10, 2020| 17:08 बिहीबार, भदौ २५, २०७७
