काठमाडौं- स्वास्थ्य तथा जनसंख्या मन्त्रालयले नेपालमा काेराेनाका ४० हजार सक्रिय संक्रमित हुँदासम्म आइसोलेसन सेन्टर तथा अस्पतालमा बेड अभाव नहुने बताएको छ।
मन्त्रालयका प्रवक्ता गौतमले ६४९ वटा पालिकामा ५ बेडको आइसोलेसन सेन्टर अनिवार्य रुपमा बनाएसँगै आइसोलेसन बेड अभाव नहुने बताए।
गौतमले हाल आइसोलेसन सेन्टर तथा अस्पतालमा बेड, आइसीयु तथा भेन्टिलेटर थपिएकाले ४० हजार संक्रमित पुग्दासम्म कसैका लागि पनि बेड अभाव नहुने दाबी गरेका छन्।
हाल देशभर ४९ हजार २१९ जना संक्रमित बनेका छन्। उनीहरुमध्ये ३३ हजार ८८२ जना संक्रमण मुक्त भएका छन् भने १५ हजार २५ जना सक्रिय संक्रमित रहेका छन्।
संक्रमितमध्ये हाल १६२ जना आइसियुमा, २२ जना भेन्टिलेटरमा र अन्य संक्रमितहरु आइसोलेसनमा उपचाररत छन्।
प्रकाशित: Sep 09, 2020| 17:35 बुधबार, भदौ २४, २०७७
