काठमाडौं– बुधबारसम्म नेपालमा ३३ हजार ८८२ जना कोरोनामुक्त भएका छन्।
यो कुल संक्रमितको ६८.८ प्रतिशत रहेको स्वास्थ्य तथा जनसंख्या मन्त्रालयका प्रवक्ता जागेश्वर गौतमले जानकारी दिए। आज ९१८ जना कोरोना मुक्त भएका छन्।
प्रदेशअनुसार आजसम्म १ बाट तीन हजार ११३, दुईबाट नौ हजार ७१३ र बागमतीबाट पाँच हजार ९७ जना मुक्त भएका छन्।
यस्तै गण्डकी प्रदेशबाट दुई हजार ३८, प्रदेश ५ बाट पाँच हजार ९१९, कर्णालीबाट दुई हजार ४१० र सुदूरपश्चिमबाट पाँच हजार ५९२ जना कोरोना मुक्त भएका छन्।
पछिल्लो २४ घण्टामा एक हजार ८१ जनामा कोरोना संक्रमण भएको छ भने आजसम्म कुल संक्रमितको संख्या ४९ हजार २१९ पुगेको छ।
प्रकाशित: Sep 09, 2020| 16:28 बुधबार, भदौ २४, २०७७
