पर्सा- वीरगन्जस्थित नारायणी अस्पतालको प्रयोगशालामा गरिएको परीक्षणमा प्रदेश नम्बर २ को बारा, पर्सा र रौतहटका गरि ३७ जनामा कोरोना संक्रमण पुष्टि भएको छ ।
२ सय ९० जनाको पीसीआर परीक्षण गर्दा ९ महिला सहित ३७ जनामा कोरोना पुष्टि भएको नारायणी अस्पतालका चिकित्सक तथा प्रवक्ता डा अतुलेशकुमार चौरासियाले जानकारी दिए ।
पछिल्लो परीक्षणमा रौतहटमा २२, बारामा ९ र पर्सामा ६ जनामा कोरोना पुष्टि भएको हो । संक्रमित हुनेमा ४ वर्षका बालकदेखी ६७ वर्ष उमेर समुहका ३७ जना रहेका छन् ।
संक्रमित हुनेमा रौतहटको दुर्गा भगवती गाउँपालिका वडा नम्बर ५ का मात्रै २२ जना छन् ।
यसैगरी बारा जिल्लाको कोल्भि नगरपालिकाका ३ जना, अमौर टोक्नी वडा नम्बर २, कलैया उपमहानगरपालिका वडा नम्बर १९ र ९ त्यसैगरी जितपुर सिमरा उपमहानगरपालिका वडा नम्बर २, बारागढि गाउँपालिका वडा नम्बर १, इलाका प्रहरी बारागढि गरि एक/एकजना संक्रमित थपिएका हुन् ।
यसैगरी वीरगंज महानगरपालिकाको वडा नम्बर ११ मा २ जना, २८ र ३२ मा एक/एक जना त्यसैगरी पर्साको ग्रामीण भेगमा पर्ने पटेर्वा सुगैलि गाँउपालिका वडा नम्बर ८ र चैनपुर ८ मा एक एकजना संक्रमित थपिएको नारायणी अस्पतालले जनाएको छ ।
यो सहित पर्सामा ५ सय ४३ महिला सहित २४ सय २० संक्रमित पुगेको छ । जसमध्ये १५ सय २९ जना कोरोना संक्रमण मुक्त भइसकेका छन् ।
पर्सामा २२ हजार १ सय ४२ जनाको स्वाब टेष्ट भईसकेका छन् ।
प्रकाशित: Sep 09, 2020| 08:31 बुधबार, भदौ २४, २०७७
