काठमाडौं– नेपालमा मंगलबारसम्म कोरोना संक्रमणबाट ६८.५ प्रतिशत बिरामी मुक्त भएका छन्।
नेपाल आजसम्म ४८ हजार १३८ जना कोरोना संक्रमित भएका छन्। तीमध्ये ३२ हजार ९६४ जना कोरोना संक्रमणमुक्त भएको स्वास्थ्य तथा जनसंख्या मन्त्रालयले जनाएको छ।
मन्त्रालयका अनुसार पछिल्लो चौबीस घण्टामा दुई हजार २८७ जना संक्रमणमुक्त भएका छन्।
आजसम्म प्रदेश १ बाट दुई हजार ८१६, प्रदेश २ बाट नौ हजार ५२३, बागमतीबाट पाँच हजार चार जना संक्रमणमुक्त भएक छन्। गण्डकीबाट एक हजार ९९२, प्रदेश ५ बाट पाँच हजार ७७१, कर्णालीबाट् दुई हजार ३९८ जना र सुदूरपश्चिम प्रदेशबाट पाँच हजार ४८० छन्।
प्रकाशित: Sep 08, 2020| 16:26 मंगलबार, भदौ २३, २०७७
