यी ३२ जिल्लामा थपिएनन् आज संक्रमित

काठमाडौं- आज (सोमबार) ३२ जिल्लामा कोरोना संक्रमितहरु थपिएका छैनन्।

प्रदेश १ का ७ जिल्ला, प्रदेश २ र बागमती प्रदेशका ३–३ जिल्ला, गण्डकीका ५ जिल्ला, प्रदेश ५ का ४ जिल्ला, कर्णलीका ५ जिल्ला र सुदूरपश्चिमका ५ जिल्लामा आज एक जना पनि कोरोना संक्रमित नथपिएको स्वास्थ्य तथा जनसंख्या मन्त्रालयको तथ्यांक छ।

प्रदेश १ का संखुवासभा, ताप्लेजुङ, ओखलढुंगा, खोटाङ, तेह्रथुम, धनकुटा र इलाममा एक जना पनि संक्रमितहरु थपिएनन्। त्यस्तै प्रदेश २ को रौतहट, बारा र पर्सा, बागमती प्रदेशका रामेछाप, नुवाकोट र रसुवामा संक्रमितहरु थपिएका छैनन्।

त्यस्तै गण्डकीका स्याङ्जा, बागलुङ, म्याग्दी, मनाङ र मुस्ताङमा पनि आज संक्रमित थपिएनन् भने भने प्रदेश ५ का दाङ, रोल्पा, रुकुमपूर्व र अर्घखाँचीमा संक्रमित नथपिएको मन्त्रालयको तथ्यांक छ।

त्यस्तै कर्णाली प्रदेशका सल्यान, मुगु, डोल्पा, हुम्ला र रुकुम पश्चिम जिल्लामा आज एक जना पनि संक्रमित थपिएनन्। सुदूरपश्चिमका दार्चुला, बैतडी, डडेलधुरा, अछाम र डोटीमा कुनै पनि संक्रमित थपिएका छैनन्।