निषेध आदेशसँगै आज राति १० बजेसम्म ललितपुरमा कर्फ्यू

ललितपुर- जिल्ला प्रशासन कार्यालय ललितपुरले आज शुक्रबार बिहान ४ बजेदेखि भरे राति १० बजेसम्म कर्फ्यू आदेश जारी गरेको छ।

नेपाल समय | शुक्रबार, भदौ १९, २०७७

नेपाल समय

शुक्रबार, भदौ १९, २०७७

निषेध आदेशसँगै आज राति १० बजेसम्म ललितपुरमा कर्फ्यू

ललितपुरका प्रमुख जिल्ला अधिकारी नारायणप्रसाद भट्टका अनुसार बल्खु पुलदेखि मनोहरा पुलसम्मको चक्रपथ क्षेत्रभित्र कर्फ्यू आदेश जारी गरिएको हो।

कोरोना भाइरसको सङ्क्रमण फैलन नदिने उद्देश्यका साथ निषेध आदेश जारी भएको अवस्थामा हिजो बिहीबार रातो मच्छिन्द्रनाथको रथ तान्ने विषयलाई लिएर पाटन क्षेत्रमा तनाव भएको थियो।

स्थानीय प्रशासनको अनुमतिविना नै केही युवाले मच्छिन्द्रथानको रथ तान्ने प्रयास गरेपछि प्रशासनले रोकेको थियो। निषेध आदेशका क्रममा केही युवाले कार्यक्षेत्रमा रहेका ट्राफिक प्रहरीमाथि नै आक्रमण गरेका थिए।

शान्तिसुरक्षा र चमनचयन कायम राख्न कर्फ्यू जारी गरिएको जिप्रकाले जनाएको छ।

प्रकाशित: Sep 04, 2020| 06:40 शुक्रबार, भदौ १९, २०७७