कोरोना संक्रमितको उपचारका लागि स्वयंसेवक माग

काठमाडौं– स्वास्थ्य तथा जनसंख्या मन्त्रालयले स्वयंसेवकको रुपमा कोरोना संक्रमितको उपचार गर्न चाहने स्वयंसेवक स्वास्थ्यकर्मीको आवेदन माग गरेको छ ।

मन्त्रालयले सूचना जारी गर्दै अस्पताल तथा अन्य स्वास्थ्य संस्थाहरुको आइसोलेसन तथा क्वारेन्टिनमा रहेका बिरामीहरुलाई स्वयंसेवकको रुपमा स्वास्थ्य सेवा उपलव्ध गराउन आवेदन माग गरेको हो ।

मन्त्रालयले नर्स प्यारामेडिक्स, चिकित्सक अन्य स्वास्थ्यकर्मी तथा सेवा निवृत्त स्वास्थ्यकर्मीहरुले स्वयंसेवकको रुपमा काम गर्न इच्छुक भएमा तीन दिनभित्र आवेदन दिन सक्ने बताएको छ । आवेदन अनलाइन माध्यमबाट दिन सकिने समेत मन्त्रालयले उल्लेख गरेको छ ।

पछिल्लो समय देशमा संक्रमितको संख्या बढ्दै जाँदा सरकारले करार सेवा तथा स्वयंसेवकको रुपमा जनशक्ति आह्वान गर्न थालेको छ । सरकारीm निजी तथा सामुदायिक सहित अन्य संघसंस्थाका भवनमा आइसोलेसन तथा क्वारेन्टिनको व्यवस्था गरिएको छ ।