वीरगन्ज महानगरका मेयर सरावगीका बुवाको निधन

पर्सा– वीरगंज महानगरपालिकाका मेयर विजय सरावगीका बुवा चिरञ्जीवीलाल सरावगीको आइतबार राती मृत्यु भएको छ ।

वीरगंजमा विक्रम सम्वत २००० सालमा जन्मिएका उनको काठमाडौंस्थित ग्राण्डी अस्पतालमा उपचारको क्रममा मृत्यु भएको हो । श्रावण २२ गते कोरोना संक्रमित भएका उनलाई उपचारका लागी २४ गते काठमाडौँको ग्राण्डी अस्पतालमा भर्ना गरिएको थियो ।

उपचारकै क्रममा भदौँ २ गते कोरोना मुक्त भएपनी मुट्टु र मृगौलामा जटिल समस्या देखिएपछि थप उपचार गर्ने क्रममा उनको आइतबार राती मृत्यु भएको वीरगंज महानगरका मेयर विजय सरावगीले समाजिक सञ्जाल मार्फत जानकारी गराएका छन् ।

वीरगंजमा समाजसेवीको रुपमा परिचित चिरञ्जीवीलाल सरावगीका दुई छोरा र एक छोरी छन् । वीरगंज उधोग वाणिज्य संघका पुर्व अध्यक्ष, मारवाडी परिषदको केन्द्रय अध्यक्ष, लायन्स क्लवको गभर्नर लगायत समाजिक संघ संस्थामा उनी आवद्ध थिए ।