४२ जिल्लामा थपिए कोरोना संक्रमित, कहाँ कति ?

काठमाडौं- पछिल्लो २४ घण्टामा मुलुकका ४२ जिल्लाका २४२ महिला र ६४२ पुरुषमा कोरोना भाइरस संक्रमण भएको छ।

आज पनि सबैभन्दा बढी काठमाडौंमा संक्रमितको संख्या उच्च छ।

स्वास्थ्य तथा जनसंख्या मन्त्रालयका अनुसार इलाममा एक, झापामा २० र धनकुटामा १९ जना संक्रमित थपिएका छन्। यस्तै मोरङमा ३१, संखुवासभामा तीन र सुनसरीमा २४ जना संक्रमित थपिएको मन्त्रालयको विवरणमा उल्लेख छ।

आज पनि प्रदेश २ का आठै जिल्लामा कोरोना भाइरस संक्रमित थपिएका छन्।

मन्त्रालयका प्रवक्ता जागेश्वर गौतमका अनुसार धनुषामा ४९, पर्सामा ७३, बारामा २१ र महोत्तरीमा २६ जना संक्रमित थपिएका छन्। यस्तै रौतहटमा पाँच, सप्तरीमा दुई र सर्लाहीमा ८३ जनामा संक्रमण भएको छ। सिरहामा भने २२ जनामा संक्रमण पुष्टि भएको छ।

बागमती प्रदेशको काठमाडौंमा १५५, काभ्रेमा १९ र चितवनमा ५७ जना संक्रमित थपिएका छन् भने दोलखामा एक, धादिङमा नौ, भक्तपुरमा १२, ललितपुरमा १९, मकवानपुरमा नौ र सिन्धुपाल्चोकमा एक जनामा संक्रमण भएको मन्त्रालयको विवरणमा उल्लेख छ।

गण्डकी प्रदेशमा कास्कीमा तीन, नवलपरासी पूर्वमा २३ र लमजुङमा २९ जना संक्रमित थपिएका छन्।

प्रदेश ५ का कपिलवस्तुमा दुई, गुल्मीमा एक, दाङमा १९, नवलपरासी पश्चिममा १०, बाँकेमा २० र रुपन्देहीमा १६ जनामा संक्रमण भएको छ।

कर्णाली प्रदेशका जाजरकोट, जुम्ला, दैलेख र रुकुमपश्चिममा एक एक जना तथा सुर्खेतमा १० जनामा कोरोना भाइरस संक्रमण भएको छ।

सुदूरपश्चिमका कञ्चनपुरका १७, कैलालीका १९, दार्चुलाका तीन, बझाङका २६ र बैतडीका २१ जनाका कोरोना भाइरस संक्रमित थपिएका छन्।

यसरी शनिबार ८८४ जनामा काेराेना संक्रमण भएकाे मन्त्रालयकाे विवरणमा उल्लेख छ।