चितवनमा निषेधाज्ञा एक साता थपियो

काठमाडौं– चितवनमा एक साता निषेधाज्ञा थप भएको छ। जिल्लाा प्रशासन चितवनले आज एक साता निषेधाज्ञा थप गर्ने निर्णय गरेको हो।

कोरोना संक्रमण बढ्दै गएकाले निषेधाज्ञा थप गर्नुपरेको प्रमुख जिल्ला अधिकारी नारायणप्रसाद भट्टराईद्वारा जारी सूचनामा उल्लेख छ।

चितवन प्रशासनले पहिलो चरणमा साउन ३० गतेदेखि लागू हुने गरी भरतपुर महानगरपालिकामा मात्रै निषेधाज्ञा जारी गरेको थियो भने दोस्रो चरणमा साउन ३२ रातिदेखि भदौ ५ गतेसम्मका लागि माडी नगरपालिका बाहेक सबै स्थानीय तहमा निषेधाज्ञा जारी गरेको थियो।

प्रशासनले भदौ ६ गतेदेखि भने १२ गते रातिसम्म लागू हुने गरी जिल्लाभर नै निषेधाज्ञा थप गरेको थियो। अत्यावश्यक सामग्री उत्पादनका व्यवसायीहरुलाई निषेधाज्ञाले समस्या पारेको भन्दै बैंक तथा वित्तीय संस्थालाई आलोपालो सञ्चालन गर्ने दिने निर्णय गरेको छ।

विहान ५ देखि ८ बजेसम्म र बेलुका ६ देखि ८ बजेसम्म खाद्य पसल सञ्चालन गर्न दिने निर्णय भएको छ।