आज ९२७ जनामा कोरोना पुष्टि, हालसम्म २० हजार बढी कोरोनामुक्त

काठमाडौं- पछिल्लो २४ घण्टामा नेपालमा ९२७ जनामा कोरोना संक्रमण पुष्टि भएको छ। जसमध्ये ३३४ जना महिला र ५९३ जना पुरुष छन्।

योसहित नेपालमा कुल संक्रमितको संख्या ३६ हजार ४५६ पुगेको छ।

नेपालमा हालसम्म २० हजार २४२ जना कोरोना संक्रमणमुक्त भएका छन्। मन्त्रालयका अनुसार पछिल्लो २४ घण्टामा १६९ जना कोरोना संक्रमणमुक्त भएर डिस्चार्ज भएका छन्। नेपालमा कोरोना संक्रमणमुक्त हुनेको दर ५६ प्रतिशत छ।

हाल १६ हजार १९ सक्रिय संक्रमित रहेका छन्। जसमध्ये ६ हजार ४४६ जना होम आइसोलेसनमा र ९ हजार ५७३ जना संस्थागत आइसोलेसनमा बसिरहेको स्वास्थ्य तथा जनसंख्या मन्त्रालयले जनाएको छ।

पछिल्लो २४ घण्टामा १० हजार २२९ जनाको पीसीआर नमुना परीक्षण गरिएको छ। योसहित हालसम्म ६ लाख ५८ हजार ११० जनाको आरटी पीसीआर नमुना परीक्षण गरिएको छ।

नेपालमा हाल ८ हजार ९३९ जना विभिन्न ठाउँका क्वारेन्टिनमा बसिरहेका मन्त्रालयले जनाएको छ।