सिरहाका कोरोना संक्रमितको धरानमा मृत्यु

सिरहाको सुखीपुर नगरपालिका ८ का एक कोरोना संक्रमितको धरानमा मृत्यु भएको छ।

नेपाल समय | शुक्रबार, भदौ १२, २०७७

नेपाल समय

शुक्रबार, भदौ १२, २०७७

सिरहा- सिरहाको सुखीपुर नगरपालिका ८ का एक कोरोना संक्रमितको धरानमा मृत्यु भएको छ।

६५ वर्षीय पुरुषको बीपी कोइराला स्वास्थ्य विज्ञान प्रतिष्ठान धरानमा उपचारका क्रममा बिहीबार बेलुका मृत्यु भएको हो ।

ज्वरो र रुघाखोकी लागेर उपचारका लागि गत भदौ ६ गते बीपी कोइराला स्वास्थ्य विज्ञान प्रतिष्ठान धरानमा भर्ना भएका थिए ।

भदौ ८ गते उनको कोरोना रिपोर्ट पोजिटिभ आएको थिया । रिपोर्ट आएको तीन दिनपछि उनको बिहीबार राति ७ बजेतिर धरानमै उपचारको क्रममा मृत्यु भएको जिल्ला स्वास्थ्य कार्यालय सिरहाले जनाएको छ।

यो सँगै धरानमा गएराति र आज बिहान गरेर कोरोनाबाट ज्यान गुमाउनेको संख्या ३ पुगेको छ । धरान स्थित बीपी कोइराला स्वास्थ्य विज्ञान प्रतिष्ठानमा आज बिहान मात्रै झापा र मोरङका २ जना कोरोना संक्रमितको मृत्यु भएको थियो ।

प्रकाशित: Aug 28, 2020| 10:48 शुक्रबार, भदौ १२, २०७७