बीपी कोइराला प्रतिष्ठानमा एक कोरोना संक्रमितको मृत्यु

धरानस्थित बीपी कोइराला स्वास्थ्य विज्ञान प्रतिष्ठानको आइसीयुमा उपचाररत एक कोरोना संक्रमित बिरामीको मृत्यु भएको छ।

नेपाल समय | बिहीबार, भदौ ११, २०७७

नेपाल समय

बिहीबार, भदौ ११, २०७७

बीपी कोइराला प्रतिष्ठानमा एक कोरोना संक्रमितको मृत्यु

काठमाडौं- धरानस्थित बीपी कोइराला स्वास्थ्य विज्ञान प्रतिष्ठानको आइसीयुमा उपचाररत एक कोरोना संक्रमित बिरामीको मृत्यु भएको छ।

बिहीबार साँझ पौने ७ बजे सिराह नगरपालिका १ का ५५ वर्षीय पुरुषको मृत्यु भएको प्रतिष्ठानका प्रवक्ता डा.निदेश सापकोटाले जानकारी दिए।

अत्यधिक खोकी, श्वास फेर्न समस्या र ज्वरो आएपछि परिवारले उपचारका लागि ल्याएका थिए। प्रतिष्ठानका अनुसार मृतक पुरुषमा उच्च रक्तचाप र २० वर्षअघि क्षयरोग भएपछि १८ महिना औषधि सेवन गरेको थिए।

६ भदौमा अस्पतालमा भर्ना गरिएका ती व्यक्तिमा ७ गते कोरोना संक्रमण पुष्टि भएको थियो।

संक्रमण पुष्टि भएपछि उनलाई कोभिड अस्पतालको वार्डमा सारिएको थियो। २ दिनदेखि अस्पतालको आइसीयूमा राखेर उपचार भइरहेको प्रतिष्ठानले जनाएको छ।

शवको व्यवस्थापन नियमानुसार गर्ने तयारी भइरहेको छ।

प्रकाशित: Aug 27, 2020| 20:42 बिहीबार, भदौ ११, २०७७