काठमाडौं– काठमाडौं उपत्यकामा आज मंगलबार २३२ जना कोरोना संक्रमित थपिएका छन्।
उपत्यकाका विभिन्न प्रयोगशालामा पछिल्लो २४ घण्टामा भएको पीसीआर परीक्षणमा काठमाडौंका १९९ जना, ललितपुरका १९ जना र १४ भक्तपुरका जनामा संक्रमण पुष्टि भएको हो।
केही दिनयता काठमाडौं उपत्यकामा दैनिक सयभन्दा बढी संक्रमित थपिइरहेका छन्। हिजो सोमबार काठमाडौंका १७७ जना, ललितपुरका ३३ जना र भक्तपुरका १४ गरी २२४ जनामा संक्रमण पुष्टि भएको थियो।
त्यसैगरी अस्ति आइतबार काठमाडौंका १२६ जना, ललितपुरका १२ जना र भक्तपुरका २८ जनामा संक्रमण पुष्टि भएको थियो।
शनिबार काठमाडौंका १६० जना, ललितपुरका ६ जना र भक्तपुरका ५० जनामा संक्रमण पुष्टि भएको थियो।
काठमाडौं उपत्यकामा कोरोना संक्रमितको कुल संख्या ३ हजार ६९८ पुगेको छ। यीमध्ये काठमाडौंका २ हजार ८६६, ललितपुरका ४७६ जना र भक्तपुरका २७८ जना छन्।
प्रकाशित: Aug 25, 2020| 16:22 मंगलबार, भदौ ९, २०७७
_(1).jpg)
