काठमाडौं– चोरी र हातहतियार खरखजना मुद्दाका फरार प्रतिवादीलाई जिल्ला प्रहरी कार्यालय कैलालीले पक्राउ गरेको छ।
धनगढी उपमहानगरपालिका–३ का ३८ वर्षीय विशाल चौधरीलाई चटकपुरबाट प्रहरीले पक्राउ गरेको हो।
२३ असार २०७६ मा तारानगरस्थित विकास सिंहको किराना पसल लगायत विभिन्न स्थानमा चोरी गरेको घटनामा उनी संलग्न रहेको प्रहरीले जनाएको छ।
पक्राउ परेका चौधरीको डेराबाट ३१ साउनमा प्रहरीले चोरीको सामान, चोरी गर्न प्रयोग हुने विभिन्न औजार, कटुवा पेस्तोल र ३ राउन्ड गोली समेत बरामद गरेको थियो।
जिल्ला अदालत कैलालीले चोरीका २ मुद्दामा ६० हजार रुपैयाँ जरिवाना र हातहतियार खरखजना मुद्दामा पुर्पक्षका लागि कारागार पठाउने आदेश गरेको थियो।
उनी भने फरार थिए। पक्राउ पछि चौधरीलाई पुर्पक्षका लागि जिल्ला कारागार कैलाली पठाइएको छ।
प्रकाशित: Aug 25, 2020| 13:54 मंगलबार, भदौ ९, २०७७
