कोरोनाबाट २४ घण्टामा कुन देशमा संक्रमित र मृत्यु कति ?

काठमाडौं-विश्वव्यापी महामारीको रुपमा फैलिएको कोरोना भाइरसबाट पछिल्लो २४ घण्टामा विश्वभर २ लाख ११ हजार ४ सय ८४ जना संक्रमित भएका छन् । कोरोनाकै कारण २४ घण्टामा ४ हजार ३ सय ११ जनाको मृत्यु भएको छ ।

सबैभन्दा धेरै संक्रमित र मृतक भारतमा थपिएका छन् । सोमबार एकै दिनमा ५९ हजार ६ सय ९६ जनामा संक्रमण पुष्टि भएको छ भने ८ सय ५४ जनाको मृत्यु भएको छ ।

यस्तै पछिल्लो २४ घण्टामा अमेरिकामा ४० हजार ५ सय ७६ जना संक्रमित थपिदा ४ सय ९३ जनाको मृत्यु भएको छ । ब्राजिलमा थप २१ हजार ४ सय ३४ जनामा संक्रमण पुष्टि हुँदा ६ सय ७९ जनाको मृत्यु भएको छ ।

यस्तै कोलम्बियामा १० हजार ५ सय ५९ जना संक्रमित थपिदा २ सय ९६ जनाको मृत्यु भएको छ । पेरुमा थप ६ हजार १ सय १२ जनामा संक्रमण पुष्टि हुँदा १ सय ५० जनाको मृत्यु भएको छ ।

रुसमा ४ हजार ७ सय ४४ जना संक्रमित थपिदा ६५ जनाको मृत्यु भएको छ भने मेक्सिकोमा ३ हजार ९ सय ४८ जनामा संक्रमण पुष्टि हुँदा २ सय २६ जनाको मृत्यु भएको छ ।

नेपालमा भने थप ७ सय ४३ जनामा संक्रमण पुष्टि हुँदा ८ जनाको मृत्यु भएको छ । अहिलेसम्म नेपालमा ३२ हजार ६ सय ७८ जना संक्रमित भएका छन् भने १ सय ५७ जनाको मृत्यु भएको छ ।

जोन हपकिन्स विश्वविद्यालयका अनुसार अहिलेसम्म कोरोनाबाट विश्वभर २ करोड ३५ लाख ७२ हजारभन्दा धेरैमा कोरोना संक्रमण पुष्टि भएको छ भने ८ लाख ११ हजार ८ सय १ जनाको मृत्यु भएको छ।