हङकङ- हङकङमा कोरोना भाइरस संक्रमण भएर स्वस्थ भएका एक व्यक्तिमा पुनः संक्रमण भएको पाइएको छ।
३० वर्षीय एक युवामा पहिलो संक्रमण भएको साढे ४ महिनापछि दोस्रो पटक संक्रमण भएको पाइएको हो।
ती संक्रमित १४ दिन अस्पतालमा रहेर कोरोनामुक्त भएका थिए। दोस्रो पटक कोरोना परीक्षण गर्दा रिपोर्ट पोजेटिभ आएको हो। उनमा कोरोनाको कुनै लक्षण देखिएको छैन।
बीबीसीका अनुसार कोरोना पुनः संक्रमणको यो विश्वमै पहिलो प्रमाणित केस हो।
विश्व स्वास्थ्य संगठनले भने एउटा केसलाई लिएर कुनै निष्कर्षमा पुग्न नसकिने बताएको छ।
पुनः संक्रमण विरलै हुन सक्ने र गम्भीर नहुने वैज्ञानिकहरुले बताएका छन्। यो घटनाले कोरोनाविरुद्धको भ्याक्सिनको आवश्यकता भने अझै बढाएको उनीहरुको भनाइ छ।
प्रकाशित: Aug 25, 2020| 06:20 मंगलबार, भदौ ९, २०७७
