विराटनगर– बीपी कोइराला स्वास्थ्य विज्ञान प्रतिष्ठान धरानमा सोमबार सिरहाको गोविन्दपुरका एक कोरोना संक्रमितको मृत्युु भएको छ ।
२२ वर्षीय युवाको उपचारका क्रममा मृत्यु भएको प्रतिष्ठानका प्रवक्ता डा.निदेश सापकोटाले जानकारी दिए ।
भदौ २ गते प्रतिष्ठानमा भर्ना गरिएका उनलाई कोरोना देखिएपछि कोभिड अस्पतालमा रेफर गरिएको थियो । श्वासप्रश्वासमा समस्या देखिन थालेपछि भेन्टिलेटरमा राखेर उपचार भइरहेकोमा दिउँसो ३ बजे मृत्युु भएको प्रवक्ता डा. सापकोटाले बताए ।
प्रदेश १ मा कोरोनाबाट मृत्यु हुनेको संख्या २२ पुगेको छ । यीमध्ये प्रदेश १ का १७ र प्रदेश २ का ५ जना रहेका छन् ।
प्रकाशित: Aug 24, 2020| 17:19 सोमबार, भदौ ८, २०७७
