काठमाडौं– स्वास्थ्य तथा जनसंख्या मन्त्रालयले कोभिड उपचारका लागि तय गरेको तीन तहको अस्पताल संरचना खारेज गरेको छ।
अब सबै अस्पतालले कोभिड–१९ को बिरामी उपचार गर्ने व्यवस्था मिलाइएको छ।
मन्त्रालयका प्रवक्ता डा. जागेश्वर गौतमले हालसम्म कार्यान्वयनमा रहेको कोभिड अस्पतालको लेभल एक, लेभल दुई र लेभल तीन खारेज गरिएको जानकारी दिए।
मन्त्रालयले यसअघि गरेको व्यवस्थाअनुसार देशभर लेभल तीनका २३ वटा, लेभल दुईका १८ वटा र लेभल एकका सात अस्पताल थिए।
यसअघि लेभल एक, दुई र तीन भनेर सूचीकृत अस्पताल सबैले समान रुपमा कोभिडका बिरामी भर्ना लिएर उपचार गर्नुपर्ने डा. गौतमले जनाकारी दिए।
अबदेखि जुनसुकै अस्पतालमा भर्ना भएका कोभिडका बिरामीको आवश्यकता र अवस्था हेरेर मात्रै रेफिर गर्न सकिने प्रवक्ता गौतमले जानकारी दिए।
प्रकाशित: Aug 24, 2020| 17:09 सोमबार, भदौ ८, २०७७
