काठमाडौं– काठमाडौं उपत्यकामा आज सोमबार २२४ जना कोरोना संक्रमित थपिएका छन्।
उपत्यकाका विभिन्न प्रयोगशालामा पछिल्लो २४ घण्टामा भएको पीसीआर परीक्षणमा काठमाडौंका १७७ जना, ललितपुरका ३३ जना र भक्तपुरका १४ जनामा संक्रमण पुष्टि भएको हो।
केही दिनयता काठमाडौं उपत्यकामा दैनिक सयभन्दा बढी संक्रमित थपिइरहेका छन्।
हिजो आइतबार काठमाडौंका १२६ जना, ललितपुरका १२ जना र भक्तपुरका २८ जनामा संक्रमण पुष्टि भएको थियो।
शनिबार काठमाडौंका १६० जना, ललितपुरका ६ जना र भक्तपुरका ५० जनामा संक्रमण पुष्टि भएको थियो।
त्यसैगरी शुक्रबार काठमाडौंका १४२ जना, ललितपुरका २५ जना र भक्तपुरका १५ जना गरी १८२ जनामा संक्रमण पुष्टि भएको थियो।
बिहीबार काठमाडौंका १७४ जना, ललितपुरका १८ जना र भक्तपुरका ८ जना गरी २०० जना संक्रमित थपिएका थिए।
बुधबार काठमाडौंका १३४ जना, ललितपुरका १७ जना र भक्तपुरका ८ जनामा संक्रमण पुष्टि भएको थियो।
काठमाडौं उपत्यकामा कोरोना संक्रमितको कुल संख्या ३ हजार ४६६ पुगेको छ। यीमध्ये काठमाडौंका २ हजार ६६७, ललितपुरका ४५७ जना र भक्तपुरका २६४ जना छन्।
प्रकाशित: Aug 24, 2020| 16:19 सोमबार, भदौ ८, २०७७
_(1).jpg)
