धनगढी– धनगढीस्थित सेती प्रादेशिक अस्पताल प्रयोगशालामा भएको परीक्षणमा सुदूरपश्चिम प्रदेशका दुई जिल्लाका ४२ जनामा कोरोना संक्रमण पुष्टि भएको छ।
पछिल्लो २४ घण्टामा चार सय जनाको नमुना परीक्षणमा कैलालीका ३२ र कञ्चनपुरका १० जनामा कोरोना संक्रमण पुष्टि भएको हो।
अस्पतालका सूचना अधिकारी दिलीपकुमार श्रेष्ठका अनुसार कैलालीको गोदावरी नगरपालिकाका पाँच महिला र १० पुरुष, धनगढी उप–महानगरपालिकाका चार महिला र चार पुरुष, घोडाघोडी नगरपालिकाका तीन पुरुष, भजनी नगरपालिकाका एक महिला र तीन पुरुष, जोशीपुर गाउँपालिकाका एक पुरुषमा कोरोना संक्रमण पुष्टि भएको छ।
कञ्चनपुरको पुर्नवास नगरपालिकाका दुई महिला र चार पुरुष, कृष्णपुर नगरपालिकाका एक महिला र एक पुरुष तथा स्थानीय तह नखुलेका थप दुई पुरुषमा कोरोना संक्रमण पुष्टि भएको सूचना अधिकारी श्रेष्ठले बताए।
प्रकाशित: Aug 23, 2020| 17:30 आइतबार, भदौ ७, २०७७
