काठमाडौं– प्रहरीले ललितपुर महानगरपालिका–२३, इसिमोडबाट शनिबार राति ११ जना जुवाडेलाई पक्राउ गरेको छ। स्थानीय राजेन्द्र महर्जनको टहरामा तास खेलिरहेको अवस्थामा महर्जन समेत ११ जनालाई पक्राउ गरिएको प्रहरीले जनाएको छ।
टहरामा तास खेलिरहेको भन्ने सूचनाको आधारमा महानगरीय प्रहरी वृत्त, सातदोबाटोबाट खटिएको प्रहरीले उनीहरुलाई पक्राउ गरेको हो।
उनीहरुको साथबाट प्रहरीले नगद एक लाख ७९ हजार रुपैयाँ र एक बुक तास बरामद गरेको छ।
प्रकाशित: Aug 23, 2020| 13:25 आइतबार, भदौ ७, २०७७
