काठमाडौं- बारामा प्रहरीले स्रोत नखुलेको १६ लाख नेपाली रुपैयाँ बरामद गरेको छ।
शनिबार बिहान महागढीमाई नगरपालिका-७ बेनौलीस्थित सडकबाट उक्त रकम बरामद गरिएको प्रहरीले जनाएको छ।
प्रहरी चौकी तेलकुवाको टोलीले मोटरसाइकललाई चेकजाँच गर्न खोज्दा चालक रुपैयाँ भएको झोला फ्याँकेर फरार भएको प्रहरीले जनाएको छ।
जेब्रा झोला खोलेर हेर्दा एक हजारका ७ सय ६२ थान र ५ सय दरका १ हजार ६ सय ७६ थान नोट भेटिएको प्रहरीले जनाएको छ।
मोटरसाइकल चालकको खोजी भइरहेको प्रहरीले जनाएको छ।
प्रकाशित: Aug 22, 2020| 16:55 शनिबार, भदौ ६, २०७७
