काठमाडौं- गण्डकी प्रदेशमा थप २४ जनालाई कोरोना भाइरस (कोभिड-१९)को संक्रमण देखिएको छ। यससँगै गण्डकीमा कूल संक्रमितको संख्या एक हजार ८६८ पुगेको छ।
प्रदेश स्वास्थ्य निर्देशनालयले आज जारी गरेको प्रेस विज्ञप्ति अनुसार थपिएका संक्रमितमध्ये कास्कीका १६ जना छन्। यस्तै, नवलपरासी पूर्वका तीन, स्याङ्जा तथा तनहुँका दुई/दुई जना र बाग्लुङका एक जनामा पनि संक्रमण पुष्टि भएको छ।
उनीहरुको कास्कीस्थित प्रदेश क्षयरोग केन्द्र तथा पोखरा स्वास्थ्य विज्ञान प्रतिष्ठान र काठमाडौंस्थित राष्ट्रिय जनस्वास्थ्य प्रयोगशालामा परीक्षणका क्रममा संक्रमण पोजेटिभ देखिएको निर्देशनालयले जनाएको छ।
प्रकाशित: Aug 22, 2020| 11:23 शनिबार, भदौ ६, २०७७
