विराटनगर– विराटनगर महानगरपालिकामा भदौ १० गतेसम्मका लागि निषेधाज्ञा जारी गरिएको छ।
जिल्ला सुरक्षा समितिको आज शुक्रबार बसेको बैठकले ५ दिन निषेधाज्ञा जारी गर्ने निर्णय गरेको मोरङका प्रमुख जिल्ला अधिकारी कोषहरि निरौलाले जानकारी दिए।
विराटनगर महानगरपालिकाले लगाएको २१ दिनको लकडाउन शुक्रबार मध्य रातिबाट सकिँदैछ । महानगरले ७ दिन निषेधाज्ञा जारी गर्न प्रस्ताव गरेको भए पनि सुरक्षा समितिले ५ दिनमात्र निषेधाज्ञा गर्ने निर्णय गरेको महानगर प्रमुख भीम पराजुलीले जानकारी दिए।
विराटनगरमा कोरोना संक्रमितको संख्या ७७४ पुगेको छ । संक्रमणबाट ९ जनाको मृत्यु भएको छ।
प्रकाशित: Aug 21, 2020| 17:41 शुक्रबार, भदौ ५, २०७७
