काठमाडौं– काठमाडौंसहित ६ जिल्लामा ५०० भन्दा बढी सक्रिय कोरोना संक्रमित भएको स्वास्थ्य तथा जनसंख्या मन्त्रालयले जनाएको छ।
मन्त्रालयलको नियमित प्रेस ब्रिफिङमा प्रवक्ता डा. जागेश्वर गौतमले काठमाडौं, पर्सा, रौतहट, मोरङ, सर्लाही र महोत्तरीमा ५०० बढी सक्रिय संक्रमित भएको जानकारी दिएका हुन्।
त्यसैगरी शुक्रबार चार जिल्लामा सक्रिय कोरोना संक्रमितको संख्या शून्यमा झरेको छ।
हुम्ला, मुस्ताङ, म्याग्दी र भोजपुरमा हाल सक्रिय संक्रमित छैनन्।
प्रकाशित: Aug 21, 2020| 16:31 शुक्रबार, भदौ ५, २०७७
