सुर्खेत- आज (शुक्रबार) रातिदेखि लागू हुने गरी कालिकोटमा पनि निषेधाज्ञा जारी भएको छ। राति १२ बजेदेखि १० गते राति १२ गतेसम्म निषेधाज्ञा लागू गरिएको हो।
आज बसेको कोरोना संकट व्यवस्थापन समितिको बैठले पाँच दिनका लागि निषेधाज्ञा लागू गर्ने निर्णय गरेको प्रमुख जिल्ला अधिकारी चन्द्रप्रसाद गैरेले जानकारी दिए।
प्रहरी, कर्मचारी र समुदायका नागरिकमा कोरोना संक्रमण देखिपछि निषेधाज्ञा लागू गर्नु परेको हो। आज संक्रमण पुष्टि भएको कालिकोटको नाग्म बजारक्षेत्र सिल गरिएको छ।
कर्णालीका दश जिल्लामध्ये सुर्खेतको वीरेन्द्रनगर, दैलेख, मुगु र हुम्लामा पनि निषेधाज्ञा जारी छ। जुम्लामा अनिश्चितकालिन, मुगुमा भदौ १५ गतेसम्म, वीरेन्द्रनगरमा ९ गतेसम्म र दैलेखमा ७ गतेसम्म निषेधाज्ञा लगाइएको छ।
प्रकाशित: Aug 21, 2020| 14:27 शुक्रबार, भदौ ५, २०७७
