भारतमा एकैदिन कोरोनाबाट साढे ६८ हजार संक्रमित

काठमाडौं- कोरोना भाइरसबाट भारतमा पछिल्लो २४ घण्टामा ६८ हजार ५ सयभन्दा धेरैमा कोरोना संक्रमण पुष्टि भएको छ।

दिनहुँ ६० हजारभन्दा धेरैमा संक्रमण पुष्टि हुँदै आएको भारतमा बुधबार एकै दिनमा ६९ हजार १ सय ९६ जनामा संक्रमण पुष्टि भएको थियो । बिहीबार ६८ हजार ५ सय ७ जना संक्रमित थपिएका हुन् ।

सबैभन्दा धेरै संक्रमित महाराष्ट्र राज्यमा थपिएका छन् । जहाँ बिहीबार एकै दिनमा १४ हजार ६ सय ४७ जनामा संक्रमण पुष्टि भएको छ ।

यस्तै आन्द्र प्रदेशमा ९ हजार ३ सय ९३, कर्णटकमा ७ हजार ३ सय ८५, तमिलनाडुमा ५ हजार ९ सय ८६, उत्तर प्रदेशमा ४ हजार ८ सय २४ जना संक्रमित थपिएका छन् ।

यस्तै भारतमा पछिल्लो २४ घण्टामा ९ सय ८१ जनाको कोरोनाबाट मृत्यु भएको छ । जसमध्ये महाराष्ट्रमा ३ सय २६, तमिलनाडुमा १ सय १६, कर्णाटकमा १ सय २, उत्तर प्रदेशमा ९५, आन्द्र प्रदेशमा ९५ जना रहेका छन् ।

भारतमा अहिलेसम्म कोरोनाबाट २७ लाख ८३ हजारभन्दा धेरै संक्रमित भएका छन् भने ५३ हजार ८ सय ६६ जनाको मृत्यु भएको भारतीय स्वास्थ्य मन्त्रालले जनाएको छ ।