काठमाडौं- महानगरीय प्रहरी वृत थानकोटको टोलीले करिब साढे ९ किलोग्राम लागूऔषध चरेससहित एक महिलालाई पक्राउ गरेको छ।
पक्राउ पर्नेमा चन्द्रागिरी नगरपालिका- १२ बलम्बुस्थित एक घरमा डेरामा बस्ने जिल्ला धादिङ गजुरी गाउँपालिका- ८ घर बताउने २२ वर्षीया पवित्रा थिङ छन्।
उनको कोठामा लुकाएर राखेको अवस्थामा ९ किलो ३५० ग्राम लागूऔषध चरेस बरामद गरिएको प्रहरीले जनाएको छ।
पक्राउ पर्ने महिलाका पति फूलबहादुर तामाङ फरार रहेको र खोजी कार्य भैरहेको प्रहरीले जनाएको छ।
प्रकाशित: Aug 20, 2020| 15:42 बिहीबार, भदौ ४, २०७७
