काठमाडौं– रौतहटमा बुधबार राति एक जना पुजारीको गोली हानी हत्या गरिएको छ।
माधवनारायण नगरपालिका–२ स्थित हनुमान मन्दिरका पुजारी ६५ वर्षीय राम साहको गोली हानी हत्या भएको रौतहटका प्रहरी प्रमुख एसपी रविराज खड्काले जानकारी दिए।
‘अज्ञात समूहले पुजारीको गोली हानी हत्या गरेको छ,’ उनले भने, ‘हत्या कसले र किन गरेको खुलेको छैन। अनुसन्धान जारी छ।’
उनले मन्दिरमा खाना खाँदै गर्दा पुजारीमाथि गोली प्रहार भएको बताए। प्रहरीले हत्याराको खोजी तीव्र पारेको छ।
प्रकाशित: Aug 19, 2020| 23:34 बुधबार, भदौ ३, २०७७
