काठमाडौं– सिन्धुपाल्चोकको जुगल गाउँपालिका–२ लिदीमा गत शुक्रबार खसेको पहिरोमा परी हराइरहेका थप एक जनाको शव फेला परेको छ। यससँगै पहिरोमा परी मृत्यु हुनेको संख्या २५ जना पुगेको छ।
जिल्ला प्रहरी कार्यालय, सिन्धुपाल्चोकका अनुसार आज दिउँसो चार वर्षीय सोनम भनिने समराज दोङको शव फेला परेको हो।
पहिरोमा परेकामध्ये अझै १४ जना हराइरहेका छन्। उनीहरुको खोजी जारी रहेको प्रहरीले जनाएको छ।
गत शुक्रबार खसेको पहिरोमा पुरिएर बेपत्ता ३९ जना बेपत्ता भएका थिए।
प्रकाशित: Aug 19, 2020| 19:59 बुधबार, भदौ ३, २०७७
