काठमाडौं- स्वास्थ्य तथा जनसंख्या मन्त्रालयले देशभरका स्वास्थ्य संस्थाका लागि स्वास्थ्यकर्मीको माग गरेको छ। कोरोना संक्रमित बढ्दै गएपछि मन्त्रालयले आपतकालीन कामकाजको लागि स्वास्थ्यकर्मीको माग गरेको हो।
कोभिड–१९ को स्वास्थ्य आपत्कालीन अवस्थाका लागि भन्दै मन्त्रालयले संघ, प्रदेश र स्थानीय तहसम्मका स्वास्थ्य संस्था, आइसलेसन तथा क्वारेन्टिनमा रहेका बिरामीहरुका लागि जनशक्ति परिचालन गर्न स्वास्थ्यकर्मीको माग गरेको हो।
मन्त्रालयले सूचना जारी गर्दै डाक्टर, नर्स, पारामेडिक्स लगायतका स्वास्थ्यकर्मीलाई ५ दिनभित्र आवेदन दिन आह्वान गरेको छ। आवेदन मन्त्रालयको वेबसाइटमा उपलब्ध छ।
आवेदकले फारम भरी मन्त्रालयको mohp.emergency@gmail.com आवेदन फारम भरी पठाउन अनुरोध गरेको छ।
प्रकाशित: Aug 19, 2020| 16:40 बुधबार, भदौ ३, २०७७
