अछाम-अछामको रामारोशन गाउँपालिका ५, सान्तवडाको सैनी बजारस्थित नदीमा आएको बाढीले बस्ती बगाउँदा बेपत्ता भएका १० र मृतक ७ जनाको परिचय खुलेको छ ।
१७ जना वेपत्ता भएकोमा ७ जनाको शव भेटिएको अछामका प्रमुख जिल्ला अधिकारी गोकर्णप्रसाद उपाध्यायले बताए । उनीहरु सबैको परिचय खुलेको छ ।
वडा नम्बर ५ सैनी बजारबाट बगाएका स्थानीय नन्दु साउदको १० जना परिवारसहित सबैको परिचय खुलेको हो ।
जसमा बारला निवासी लालसरा शाह र उनका छोरा, हिक्मत शाहको २ जना परिवार, चन्दे साउद, बासु साउद र जोगा साउद रहेको रामारोशन गाउँपालिका अध्यक्ष झन्कर बहादुर साउदले जानकारी दिए ।
उनीहरुमध्ये ६ जनाको शव दर्ना र मंगलसेनको कैलाश खोला छेउमा फेला परेको छ ।
घटनास्थल सदरमुकाम मगंलसेनबाट ४५ किलोमिटरभन्दा टाढा छ। सञ्चार र सडक अवरोधका कारण मानवीय भौतिक र अन्य क्षतिको विवरण संकलन र उद्धारमा कठिनाइ भएको अछामका प्रमुख जिल्ला अधिकारी गोकर्णप्रसाद उपाध्यायले बताए ।
यी हुन् बेपत्ता र मृतकहरु
१ चन्द्र बहादुर साउद
२ बसुन्धरा साउद
३ नन्द सिं साउद
४ गंगा साउद
५ रुपेश साउद
६ जाेगा साउद
७ नवीन साउद
८ कबिता बुढा साउद
९ अमर बहादुर शाह
१० पवित्रा शाह
११ समीर शाह
१२ लालसरा शाही
१३ बसन्त शाही
१४ गाैरी शाह
१५ सम्झना शाह
१६ प्राप्ति साउद
१७ बिमा साउद
यीमध्ये मृतक ७ जना को को हुन् भनेर खुल्न नसकेको प्रहरीले जनाएको छ ।
प्रकाशित: Aug 19, 2020| 11:50 बुधबार, भदौ ३, २०७७
