काठमाडौं– सर्वोच्च अदालतका एक कर्मचारीमा आज कोरोना संक्रमण पुष्टि भएको छ।
अदालतका सहप्रवक्ता देवेन्द्र ढकालका अनुसार शनिबार अदालतमा सेवाग्राहीसँगको सम्पर्कमा रहेर काम गर्नुपर्ने १८० जनाको स्वाब परीक्षण गरिएको थियो। त्यसमध्ये एकजना कर्मचारीमा संक्रमण पुष्टि भएको हो ।
सर्वोच्चमा यसअघि १८२ जनाको स्वाब परीक्षण गर्दा एक सवारी चालक र एकजना न्यायाधीशको सुरक्षाकर्मी गरी दुई जनामा कोरोना पुष्टि भएको थियो। यो सँगै सर्वोच्च अदालतमा तीनजना व्यक्ति कोरोना संक्रमित भएका छन्।
कोभिड–१९ को महामारीका बेला तीनजना कर्मचारीमा संक्रमणि पुष्टि भएपछि न्यायालयमा काम गर्ने कर्मचारीमा त्रास बढेको छ। त्रास बढेसँगै अदालतले अत्यावश्यक सेवा मात्र दिने निर्णय यसअघि नै गरिसकेको छ। रासस
प्रकाशित: Aug 18, 2020| 18:09 मंगलबार, भदौ २, २०७७
