भैरहवा- कोरोना संक्रमण नियन्त्रणका लागि जिल्ला प्रशासन कार्यालय रुपन्देहीले जिल्लाभर विभिन्न गतिविधिहरुमा रोग लगाएको छ।
संक्रमक रोग ऐन २०२० को दफा २ बमोजिम विभिन्न गतिविधिमा रोक लगाइएको जिप्रकाले जनाएको छ।
निषेध गरिएका गतिविधिः
-खुला स्थानमा भेला हुन, भीडभाड गर्न र सभा जुलुस गर्न।
-भीडभाड हुने गतिविधि जस्तै– जात्रा महोत्सव सञ्चालन गर्न।
-दैनिक हुने नित्य पूजा बाहेकका सम्पूर्ण धार्मिक गतिविधिहरु।
-उद्योग/व्यापार/व्यवसाय अन्तर्गतका स्वास्थ्य मापदण्ड विपरितका क्रियाकलापहरु।
-चाडपर्व लगायतका धार्मिक सांंस्कृतिक कार्य गर्नका लागि हुने जमघटहरु।
-शैक्षिक संस्थाहरु सञ्चालन गर्न।
-सबै प्रकारका गोष्ठि, तालिम, सेमिनार, सिनेमा हल, पार्टी प्यालेस, मनोरञ्जन स्थल, शैलुन, ब्यूटी पार्लर, स्पा, स्वीमिङ पुल, जिमखाना, समूहमा खेलिने खेल, खेल प्रस्तुति, पुस्तकालय, संग्रहालय सञ्चालन गर्न।
-फुटपाथ, खुला ठाउँ र ठेला गाडा/साइकलमा सञ्चालन हुने व्यवसाय, कवाडी संकलन गर्न।
-उद्योग व्यवसाय सञ्चालनका लागि स्वास्थ्य मापदण्ड विपरीत श्रमिक/कामदारको ओसारपसार गर्न।
टेक अवे बाहेक होटल/रेस्टुराँ सञ्चालन गर्न।
-वेलहिया नाका बाहेक अन्य नाकाबाट आउजाउ गर्न
-निजी तथा सार्वजनिक यातायात सञ्चालन गर्न (तर, मुख्य राजमार्गहरु सञ्चालनमा रहने)
प्रकाशित: Aug 18, 2020| 17:02 मंगलबार, भदौ २, २०७७
