मृत्युुपछि पीसीआर परीक्षण गराउन अस्वीकार
पर्सा– उपचारका क्रममा निधन भएका ठाकुरराम बहुमुखी क्याम्पसका सहायक क्याम्पस प्रमुख प्रमोद गुप्ताको पीसीआर परीक्षण गर्न परिवारले अस्वीकार गरेको छ।
वीरगन्ज महानगरपालिका–१६ मिथिला नगर निवासी गुप्ताको सोमबार राति नारायणी बयोधा अस्पतालमा उपचारका क्रममा निधन भएको थियो।
जीवित हुँदा पीसीआर परीक्षणमा बेवास्ता गरिएकाले मृत्युपछि परीक्षण गर्न आवश्यक नरहेको परिवारजनको भनाइ छ।
गुप्तालाई आइतबार समस्या बढेपछि वीरगन्जको एडभान्स मेडिकेयरमा भर्ना गरिएको थियो।
उनलाई अक्सिजन दिनुपर्ने भएपछि परिवारजनले दिउँसो ४ बजे गण्डकस्थित रहेको नारायणी बयोधा अस्पतालको आईसीयूमा भर्ना गराएका थिए।
परिवारजनले स्वाब संकलन नगरीकन दाहसंस्कारको तयारी गरेका छन्।
दम तथा उच्च रक्तचापका बिरामी उनलाई विगत केही दिनदेखि ज्वरो तथा श्साप्रश्वासमा समस्या थियो।
परिवारजनले स्वाब संकलन गर्न नमानेको नारायणी अस्पतालको पीसीआर ल्याबले जनाएको छ।
नुवाकोटमा सिन्दुरे जात्राको रौनक
समाजसेवाका 'अनुराधा'हरू
ट्राफिक नियम उल्लंघन गर्ने १६ स्कुल बसका चालक कारबाहीमा
-1760708828.jpg)
सम्पर्क
फोन : +977-1-4790040/+977-1-4790242
इमेल : nepalsamayanews@gmail.com