पोखरा– सरकारले प्रेस काउन्सिल नेपालको कार्यवाहक अध्यक्ष दुर्गा भण्डारीलाई तोकेको छ। कावा अध्यक्ष किशोर श्रेष्ठलाई हटाउँदै मन्त्रिपरिषद् बैठकले भण्डारीलाई कार्यवाहक तोकेको हो।
भण्डारी केही दिनअघि मात्र काउन्सिलको सदस्य नियुक्त भएकी थिइन्।
अध्यक्ष नभएपछि श्रेष्ठलाई कार्यवाहकको जिम्मेवारी तोकिएको थियो। पोखरामा रहेर लामो समय पत्रकारिता गरेकी भण्डारी पत्रकार महांसघको केन्द्रीय सदस्य तथा प्रेस चौतारीको केन्द्रीय सचिव हुन् ।
सरकारले काउन्सिलको नियमावलीसमेत परिवर्तन गरी नयाँ कार्यवाहक अध्यक्ष तोकेको हो।
प्रकाशित: Aug 18, 2020| 12:08 मंगलबार, भदौ २, २०७७
