काठमाडौं– सुदूरपश्चिम प्रदेशको बाजुरामा केही दिनअघि पहिराले क्षति गरेको क्षेत्रको निरीक्षण र राहत सामग्री वितरण गर्न गृहमन्त्री त्यसतर्फ प्रस्थान गरेका छन्।
सुदूरपश्चिम प्रदेशका आन्तरिक मामिला तथा कानुनमन्त्री प्रकाश शाहसहितको टोली लिएर गृहमन्त्री रामबहादुर थापा बाजुरा प्रस्थान गरेका हुन्।
बाजुराबाट प्रतिनिधिसभामा प्रतिनिधित्व गर्ने सांसद लाल बहादुर थापा, नेकपा सुदूरपश्चिम कमिटीका अध्यक्ष कर्ण थापा, नेकपा बाजुराका पार्टी अध्यक्ष कालीबहादुर शाही पनि टोलीमा सहभागी छन्।
बाजुराका प्रमुख जिल्ला अधिकारी कृष्ण गैरेले केही दिनअघि आएको बाढी पहिरोबाट प्रभावित परिवारलाई राहत वितरण र अनुगमनको कार्यक्रम रहेको जानकारी दिए।
उनका अनुसार गृहमन्त्रीले बाजुराको गौमुल गाउँपालिका– २ सिम, बूढीगंगा नगरपालिकाको तापलिसेरा, बढीमालिका नगरपालिका, सदरमुकाम मार्तडी क्षेत्रमा राहत वितरण र अनुगमन गर्नेछन्।
प्रकाशित: Aug 18, 2020| 11:48 मंगलबार, भदौ २, २०७७
