पोखराका १५ सहित गण्डकी प्रदेशमा थप २५ जना संक्रमित

पोखरा- कास्कीको पोखरा महानगरपालिकाका १५ जना सहित गण्डकी प्रदेशमा थप २५ जनामा कोरोना सं‌क्रमण पुष्टि भएको छ ।

गण्डकी प्रदेश स्वास्थ्य निर्देशनालयका अनुसार मंगलबार विहान थपिएका ४ जना मध्ये २ जना पोखरा महानगरपालिका वडा नम्बर ६ का २३ र २८ बर्षिय पुरुष छन् भने २ जना महिलाको ठेगाना खुलेको छैन् ।

त्यस्तै सोमबार राति पोखरा महानगरमा ११ जनामा कोरोना भाइरस पुष्टि भएको हो ।

निर्देशनालयका अनुसार पोखरा महानगरका ४, ७, ९, १६, १७, २७ र ३० नं वडाका बासिन्दामा संक्रमण देखिएको छ । संक्रमितहरु १० वर्षदेखि ८७ वर्ष उमेर समुहका छन् ।

त्यसैगरी गण्डकी प्रदेशका नवलपुरमा २ जना र बाग्लुङमा २ जनामा कोरोना भाइरस संक्रमण पुष्टि भएको छ ।

यस्तै स्याङजा, बागलुङ, लमजुङ र नवलपुरका १/१ पुरुष तथा तनहुँका २ महिलामा कोरोना पुष्टि भएको निर्देशनालयले जनाएको छ ।

यस सँगै गण्डकी प्रदेशमा कोरोना संक्रमितको संख्या १ हजार ७ सय ६४ पुगेको छ ।